TONAH PIMPINAN PUSAT GKPS BANI HARI BUMI SE DUNIA
TONAH PIMPINAN PUSAT GKPS BANI
HARI BUMI SE DUNIA
Nahinormat
Haganup Kuria GKPS
Tiba Pengantar Jemaat
Bani iananni bei.
Salam ibagas goran ni Tuhanta Jesus
Kristus
Sada
malas ni uhur banggal do banta selaku kuria ni Tuhan boi hita martumpu panorang
on ibagas kebaktian Minggu khusus dalam rangka Hari Bumi Sedunia na iperingati
setiap tanggal 22 April setiap tahun. On ma homa na gabe sada bukti bahasa
selaku kuria ni Tuhan dihut do hita martanggungjawab janah peduli bani
kelangsungan ni pargoluhon i atas tanoh on sadalan hubani parentah ni Tuhanta.
Halani ai bani momen na khusus on sihol padasonnami do piga-piga tonah hu
tongah-tongahta :
1.
Pesta
Paskah na ipestahon hita 2 (dua) minggu na salpu, na patalarhon goluh na bayu
ibagas Kristus, ujuanni lang pitah hubani hita jolma tapi dihut do hubani ganup
tinompa ni Naibata, tanoh on ampa sagala pangisini. Ase maningon do idingat
hita bahasa Jesus Kristus aima haluahon ni dunia na ija “marhiteihonSi do
itompa haganup anjaha marhadoban hu-Bani do haganup” (Kolose 1:15-16). Halani
ai, hasirsiron laho manramotkon tanoh on ampa sagala tinompa, aima sada horja
na pasangapkon Kristus (bdk. 1 Musa 2:15)
2.
Isadari
atap lang isadari hita, pemanasan global na tarjadi halani kerusakan lingkungan
domma gabe sada ancaman bani kelangsungan ni pargoluhon i tanoh on.
Pangkorhonni domma lambin taridah marhitei bagei ni bencana alam, suhu makin
panas, banjir, kelaparan pakon bageini naborit na mandondoni hasomanta bani
piga-piga ianan, na dampakni botul-botul iahapkon khususni masyarakat miskin.
3.
Halani
ai, Minggu Hari Bumi Sedunia na iperingati hita sadari on sihol do paingatkon
ampa mangojur hita secara pribadi sonai selaku kuria ni Tuhan ase dihut ma hita
berperanserta manjaga ampa patorsahon
tanoh on sonai homa ganup tinompa ni Naibata na dob ihaporsayahon hubanta
marhitei aksi nyata, anjaha sonaha pe parbanggal paretekni nabinahenta, arga do
ai bani Naibata anjaha banggal do pangkorhonni bahen hatotorsani pargoluhon i
tanoh on (Mat.25:40)
4.
Haholongi
hita ma tanoh on songon angkulanta sandiri marhitei na manramotkon ganup
tinompa ampa unsur-unsur ni songon
pagori ni angkulanta. Ramotkon hita ma bah songon aliran ni darohta,
awing-awang songon hosahta ampa harangan songon paru-parunta. .
“Selamat Hari Bumi Sedunia, rap ma hita mangatasi
krisis panorang on marhitei aksi ampa pambahenan”
Salam pakon
tonggo
Pimpinan Pusat
GKPS
Pdt. Jaharianson
Saragih,STh,MSc,Ph.D Pdt. El Imanson Sumbayak, MTh.
E p h o r u s
Sekretaris Jenderal
cc. - Praeses GKPS Distrik
- Pengurus GKPS Resort
- file
sumber by :http://www.gkps.or.id/downoad/category/3-artikel
Langganan:
Posting Komentar (Atom)
0 komentar:
Posting Komentar